Fikzioa / Drama – Irusoin : Producción y postproducción audiovisual

Heltzear

adm_irusoin — Tue, 04 Jan 2022 19:23:47 +0000

Donostia, 2000. Euskal gatazka indarrean dago. Sarak, 15 urteko eskalatzaileak, bere bizitzako igoera zailenetako baterako entrenatzen duen bitartean, urrun dagoen bere nebari gutun bat idazten dio.

Handia

adm_irusoin — Wed, 15 Sep 2021 12:57:59 +0000

Lehen Karlistaldian borrokatu ostean, Martin Gipuzkoako bere etxera itzuliko da, eta han, harrituta, bere anaia gazte Joakin ohikoa baino askoz ere handiagoa dela aurkituko du. Mundu osoak Lurreko gizon handiena ikusteko ordaindu nahi izango duelakoan, bi anaiek bidaia luze bati ekingo diote, Europan zehar. Bidean, anbizioak, diruak eta ospeak betirako aldatuko dute familiaren patua. Benetako gertakarietan oinarritutako istorio bat.

La trinchera infinita

adm_irusoin — Wed, 15 Sep 2021 12:47:53 +0000

Higinio eta Rosa ezkonberriak dira Gerra Zibilak eztanda egiten duenean. Gizona arrisku larrian dago eta emazteak lagunduta, Higiniok etxean zulo bat egin eta denbora batez bertan ezkutatzea erabakiko du. Errepresaliak jasotzeko beldurrak eta elkarrenganako maitasunak 30 urtetik gora iraungo duen itxialdira kondenatuko dute bikotea.

Loreak (Flores)

adm_irusoin — Tue, 14 Sep 2021 13:20:56 +0000

Aneren bizimodua goitik behera aldatuko da, astero-astero, etxean lore-sorta bat jasotzen hasten denean. Beti ordu berean. Beti modu anonimoan.

Lore misteriotsu batzuek aldatu egingo dituzte Lourdesen eta Tereren bizimoduak ere. Ezezagun batek lore-sorta bat utziko du astero, eurentzat hain garrantzitsua izandako norbaiten oroimenez.

Hiru emakumeren istorioa da hau; lore-sorta xume batzuek goitik behera aldatuko dituzten hiru bizimodu. Lore horiek ahaztutzat zituzten sentimenduak azaleratuko dituzte… Baina, azken batean, loreak baino ez dira.